ʼn Truuk met ʼn stoel is baie gewild op sosiale media en sommige persone voer aan slegs vroue kan dit doen.
Volgens die video kan slegs vroue ʼn stoel optel wanneer hulle in ʼn sekere posisie staan. Die vrou in die video verduidelik jy moet ongeveer jou bolyf se lengte van die muur af staan, met jou bene teen mekaar en dan buk jy vooroor sodat jou kop aan die muur raak.
Die truuk is om dan ʼn stoel op te tel en regop te staan.
Die vrou in die video kry dit maklik reg, maar twee mans kan dit glad nie doen nie.
Twitter-gebruikers het intussen video’s gepubliseer waar hulle self die uitdaging probeer. Van die persone het ook aangevoer slegs vroue kan dit doen, maar minstens twee mans het video’s gedeel wat wys dat hulle dit wel kon regkry.
Kan jy dit doen?
Tried the tik tok chair challenge cause i thought it was fake…… #TikTok #ChairChallenge pic.twitter.com/5Nf5NYsMAt
— Izzy Sam (@SamTwizzy5) November 20, 2019
#ChairChallenge my husband can do it . ???????? pic.twitter.com/1NiVd7FRKN
— Mikayla ???? (@mikaylamaaaarie) December 1, 2019
Hierdie “trick” doen ons al vir jare en 99% van die tyd kan die mans dit nie doen nie. Ek dink maar persoonlik dit het iets met hul groot voete te doen. Hul staan verder van die muur af
Ja, vrouens se voete is so kort sodat hulle makliker skottelgoed kan was.
Ek is n man en doen dit maklik
Die dame skuif dan haar voete sowat 2 tot 3 duim nader nadat sy die afstand afmeet vanaf die muur…
Dalk het dit te doen met die feit dat vrouens ‘n laer swaartepunt as mans het.
Kan iemand asb. 911 skakel? Ek is ‘n man en het die truuk probeer. Ek staan nou al 4 ure in die posisie en kom nie regop nie. Ek het al die stoel gelos… ;-)
Help – ‘n goeie sin vir humor! 10/10!!
Skerp @HELP… baie skerp… hehehe
Die truuk is baie bekend. Byna alle mans kan dit doen al staan jy selfs n bietjie verder van die muur af. Die geheim is gee net n klein vinnige knak in jou kniee en tel gelyktydig daarmee die stoel op. Weg is die geheim.
Ek het dit vir my kinders ook geleer, sonder die stoel, dan kan mens dit in die begin nie doen nie, want dit het te doen met jou midlyfspiere. As dit swak is, sukkel jy. ONTHOU dit is sonder die stoel.
Dis baie maklik om te doen.