Klante bly eerlik toe winkel sy deure oop los

Food Basics

ʼn Winkel in Kanada het per ongeluk vergeet om sy deure te sluit – en die winkel is nie geplunder nie!

Kanada het op 18 Februarie Gesinsdag gevier en personeellede van die Food Basics-supermark in Kingston, Ontario, kon die dag met hul gesinne deurbring. Die werknemers het egter nagelaat om die winkel behoorlik te sluit.

Niemand het vir werk opgedaag nie, maar die klante het opgedaag om hul inkopies te doen. Hulle het vinnig ontdek dat daar nie enige toesig is nie.

Vir oneerlike persone sou dit die ideale geleentheid wees om die winkel te plunder, maar dis nie wat hier gebeur het nie.

Klante was bietjie verward en dalk geïrriteerd, en sommige van hulle is met leë hande daar weg.

Een ooggetuie het gesien hoe een van die klante uit die winkel stap met twee sakkies tamaties. Hy wou by die man weet of hy van plan is om net die tamaties te vat, maar die man het laat weet hy het $5 op die toonbank gelos.

Die polisie is ontbied en hulle het die bestuur van die winkel gekontak. Personeellede het die middag opgedaag om vinnig ʼn voorraadopname te doen. Hulle het bevestig van die klante het in die man se voetspore gevolg: hulle het die lys van inkopies neergeskryf en die korrekte bedrag geld op die toonbank gelos.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Skroef

Hulle moet dit in die N.SA kom probeer!

Neels

Aanvanklik het ek gedink wow dit is n wonder werk in SA maar toe ek verder lees sien ek dit is in Kanada. Sou so iets in Suid Afrika gebeur is ek 100% seker binne n uur sou daar niks oor wees nie. Heel eerste sou die drank afdeling geplunder word. Die mense het mos alreeds in die verlede bewys alles moet geplunder en gestroop word. Ek is n SA burger maar ek ken ook die handelswyse van die meerderheid van ons burgers. Daar is wel goeie en goed opgevoede burgers maar die kriminele element sal altyd teenwoordig wees ongeag… Lees meer »

JohanL

Wens eerlikheid en integriteit was ook hier in SA die norm – let wel daar is mense wat dit het. Maar dit is definitief nie die norm nie.

Was dit nie Trump wat iets oor Afrika enkele jare gelede geskryf het nie? Was hy nie dalk reg gewees nie?

Rina Kotze

Wel gedaan aan die eerlike landsburgers van Kanada!

Ongelukkig bly ons ander in die sogenaamde NUWE SA!

As dit hier moes gebeur, was daar binne ‘n halfuur, niks oor nie, met nog baie skade aan die gebou ook!

Blommie

Ja nee wragtag, hier in SA vat hulle alles saam.
Van die voorraad tot die til en toonbank en die venster rame en deur slotte…
Daar sou niks oorgebly het nie.
NIKS
Geniet julle aangename land!