Klim die trappe, speel klavier

Skermgreep uit die video

Net soos ʼn toneel uit Tom Hanks se Big, kan dié klavier regtig speel.

Kanadese wie se Nuwejaarsvoornemens was om meer aktief te wees, kan dié unieke trappe in Toronto as aansporing gebruik. Jy hoef nie ʼn pianis te wees om ʼn deuntjie te speel nie, elke trap speel ʼn ander noot.

Die klaviertrappe is ʼn konsep van Oxford Properties en Trifold Creative het die trappe geïnstalleer. Kevin Hardy, adjunkpresident van eiendomsbestuur by Oxford Properties, het gesê die trappe skep ʼn gevoel van welsyn – emosioneel en fisies. “Die musikale trappe laat mense glimlag en moedig meer mense aan om eerder die trappe as die roltrap te gebruik.”

ʼn Kennisgewingbord langs die installasie lui “The Keys to Wellness”.

Die klanke verander, so jy weet nooit wat jy kan verwag wanneer jy die trappe klim nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Nono

Trappe klim is eintlik baie sleg vir jou kniee.

TDW

Dit sal baie mense aanpor om nie die trappe te gebruik nie, want dit trek te veel aandag. Kinders sal mal wees daaroor.

Raas koppie

Dankbaar ek werk nie in een van daai winkels daar naby nie…