Leiband dalk binnekort verpligtend vir katte in dié dorp

Argieffoto (Foto: AdventureCats.org)

Argieffoto (Foto: AdventureCats.org)

Leibande vir katte sal binnekort, net soos vir honde, verpligtend wees indien ʼn stadsraad in Alaska se aanbeveling goedgekeur word.

Pat Porter, burgemeester van Kenai in Alaska, en raadslid Tim Navarre het dié wet voorgestel ná klagtes ontvang is van inwoners oor rondloperkatte. Die Peninsula Clarion berig katte word nie genoem op die lys van diere wat volgens die huidige maatreëls aan ʼn leiband vas moet wees nie.

Die voorgestelde ordonnansie verwys na klagtes oor die impak van die getal katte op die Kenai-diereskuiling se hulpbronne. Rick Koch, stadsbestuurder van Kenai, het gesê hulpbronne vir die skuiling is voldoende. Hy het gesê hy sal die data ondersoek en bepaal of ander Alaska-gemeenskappe soortgelyke wette het.

Sommige inwoners is besorg oor nakoming van die wet en of dit ʼn ekstra las sal plaas op dierebeheer-hulpbronne.

Die verhoor en stemmery vind op 5 Oktober plaas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

6 Kommentare

Elize ·

Katte aan leibande? Verskoon my onkunde – is kat se kind nie maar juis ‘n viervoet wat ‘n tikkie vryheid moet hê nie?

BREEDT ·

Nee katte moed ook soos honde behandel word.Katte jaag ons pragtige geveerde oukies rond.My kat is op n leiband werk soos n bomb.

Griki ·

Dis nou die belaglikste idee wat ek in ‘n lang tyd teëgekom het. Hulle weet ooglopend niks van katte af nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.