Die klanksnit van ʼn sesjarige seuntjie wat die 911-noodnommer in Amerika bel nadat sy pa ʼn rooi verkeerslig verontagsaam het, word wyd op sosiale media gedeel.
Die seuntjie, Robbie Richardson van Massachusetts, was saam met sy pa, Michael, op pad om hul motor te laat was.
Sy pa het glo by die rooi verkeerslig stilgehou voor hy regs gedraai het toe daar geen aankomende verkeer was nie. Hoewel dit in Massachusetts wettig is om te ry wanneer daar geen aankomende verkeer is nie, het Robbie gesê hy gaan die polisie bel. Dié knapie wil glo nog altyd ʼn polisieman word wanneer hy ‘groot’ is.
“Toe ek oor die rooi lig is, het hy gesê hy gaan die polisie bel,” het Mike aan Fox gesê. “Ek het dit sommer afgemaak, want hy is tog net ses jaar oud.”
Robbie het egter, toe hulle by die huis aangekom het, sy woord gestand gedoen. “My pa het oor die rooi lig gery,” het hy aan die operateur gesê. “Hy was in ʼn splinternuwe motor, my ma se motor.”
Die operateur, Mike Bowes, het gevra om met sy pa te praat.
Mike het later aan CNN vertel dié ongewone oproep het sy dag gemaak. “Dit is beter as die roetineoproepe wat ons daagliks ontvang,” het hy laat hoor.
As dit in Suid-Afrika moet gebeur sal die arme 911 mense mal word want hulle sal elke 2 sekondes ‘n oproep moet neem. Wens daar is weer wetstoepassing, dan sal die ongelukke ook minder wees.
In ons land, veral Bloemfontein beteken ‘n rooi robot entlik jy kan so vining as moontlik oorry. Die verkeersmense skitter gewoonlik in hul afwesigheid maar is vinnig om kaartjies te skryf as jou parkeertyd klaar is.
Dis oulik – maar ek kan net dink watse pyn die kind eendag gaan wees! Wise 4 his size.
jy sien! practice what you preach ne :-)
Sy ouers gee hom ten minste ‘n goeie opvoeding!