Ma en dogter skenk geboorte – ure ná mekaar

Amanda Stephens en haar dogter Haley Buxton by hul babatjies in die hospitaal (Foto: Fox5)

ʼn Familie in Georgia in die VSA vier die koms van twee nuwe lede ná ʼn ma en ʼn dogter ure ná mekaar geboorte geskenk het in dieselfde hospitaal.

Amanda Stephens (40) se seuntjie, Landon Cash is verlede Woensdag om 09:44 gebore. Landon se suster Haley Buxton (24), het om 12:10 dieselfde dag geboorte geskenk aan haar dogtertjie Aubree Nicole, het Fox 5 Atlanta berig.

Die babatjies is by die Tanner Medical Center in Carrolton gebore. Personeel by die hospitaal het gesê dit gaan goed met ma’s en babas. Dit is die eerste keer wat ʼn ma en ʼn dogter op dieselfde dag geboorte skenk by dié hospitaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

18 Kommentare

Katerina ·

Aww sweet ek is bly vir hulle:-))! Ek het my 3rde kind, my seun,op ouderdom 41 jaar gehad en mens het baie meer geduld wanneer mens ouer is.

patrys ·

Ek was my ma se 8ste kind – sy was 43 jr en 3 mnde met my geboorte. Sekerlik nie naasteby ‘n rekord nie maar ek wonder wat die ouderdom van die oudste vrou is wat geboorte gegee het in SA.

Krewel ·

Niks snaaks om swanger te raak in jou veertigs nie. Ekself was 41 met my laaste kind en my oudste pasiënt dusver 47 – sonder hulp van infertiliteitskliniek (eie eiersel).

Sandra ·

Dankie vir die interessante vraag en antwoord. Dit gaan my nou laat heroorweeg, ek dog eks te oud.

Hannelie ·

Sjoe die ma was 15 toe swanger geword het op op 16 haar dogter gekry.

adri ·

Hannelie niemand kan vinger wys nie, almal maak foute en ek glo jy het ook groen koring op die lande…. dit kan met enige een gebeur….. te minste het sy haar dogter groot gemaak en nie weg gegooi nie, sterkte met die 2 babas, hoop sal n groot seen wees….. hulle is pragtig…

Chris ·

Die dogtertjie en haar oom sal saam verjaardae hou, saam in dieselfde graad op skool wees, saam leer praat, loop ens….

Bietjie ‘weird’ vir my…maar nou ja…as ons almal dieselfde was, sou die wêreld ń baie ‘boring’ plek gewees het.

Ballon ·

My pa hulle was n groot gesin. Van die sussies het ook 2 keer saam die mamma babas gehad. Nou nie op dieselfde dag nie maar dieselfde jaar. Van my niggies en nefies is dieselfde ouderdom as van my ooms en tannies.

Alta ·

Ek het jare terug ‘n jong vrou by vriende ontmoet wat daar was met twee seuntjies van dieselfde ouderdom – een is haar seuntjie en die ander een haar boetie. Sy en haar ma was saam swanger en die twee seuntjies het so lekker gespeel, dat die boetie amper meer by haar was as by hulle ma. Ek het gedink dis vreeslik oulik.

piet ·

die berig lees haar suster het om 12:10 geboorte geskenk? is dit nou haar dogter of suster

Rina Kotze ·

Niks fout met ouer Moeders nie, mens het baie meer geduld, wysheid en is baie meer volwasse.

Ek het my eerste kind op 39 gehad en my 2de kind op 41.

Geluk aan Moeder en Dogter.

Cora Simpson ·

My ma en suster het twee maande uitmekaar geboorte geskenk aan n tweeling vir my suster en n boetie vir my. My oudste seun is n jaar ouer as sy oom. Ons was 10 kinders en die huis was altyd vol lag en musiek
. Die twee kleintjies sal jare na nou nog groot maats kan wees.

Marinda ·

Nee Piet die berig sê Landon se suster. Landon is die nuwe baba seuntjie en dis sy suster

Jo ·

Is dit nie verkeerd om te sê “Ure na mekaar” nie? Die dogter het na haar ma geboorte gegee maar die ma het nie na die dogter geboorte gegee nie.

Jax ·

Nee wat – hou verby! Ek is dankbaar ons kindertjies is gebore toe ons as ouers nog jonk genoeg was vir kinders kry. Wanneer daai kind 20 is, is die Ma 60. n pel van ons het sopas vir die eerste keer n ouer geword en dit op 50 – as daai kind 20 is, is hy 70. Mense se kragte neem af en ook jou gesondheid. Is dit regtig regverdig teenoor daai kind?
Ek het self gesien hoe min lus en energie my oom gehad het toe sy laatste twee 10 jaar na die eerste twee gebore is. Daai kinders het die naastenby dieselfde “on-the-go-dad” gehad nie. Die jongste twee sê baie keer dat hulle nie regtig hulle pa geken het nie
“Each to their own”, ja maar op die ou end is dit die kind wat dieper geraak word.
Ons kinders is in hul laat twintigs/vroeg dertigs en ons tweetjies is in ons laat 40’s /vroeg 50’s. Nog jonk genoeg en lus vir die dinge wat die kinders en Kleinkinders wil doen.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.