Man dagvaar ouers oor sy geboorte ‘sonder toestemming’

ʼn Man van Indië wil sy ouers dagvaar omdat hulle kwansuis nie sy toestemming gehad het om gebore te word nie.

Raphael Samuel (27) vergelyk om kinders te hê met “ontvoering en slawerny” en sê sy ouers het hom “slegs vir hul plesier en vreugde geskep”.

Hy glo iemand wat nie toestemming gegee het om gebore te word nie, moet nie in die wêreld ingebring word nie.

Ondanks sy houding oor voortplanting, voer hy aan hy het ʼn “wonderlike verhouding” met sy ouers. “My lewe is wonderlik, maar ek kan nie sien hoekom ek enigiemand anders deur die warboel van ʼn skoolloopbaan en om ʼn werk te vind, moet sit nie – veral nie as hulle nie gevra het om te bestaan nie,” het hy aan The Print gesê

Raphael, van Moembai, het ook ʼn Facebook-blad genaamd “Nihilanand” wat deur meer as 2 000 sosialemediagebruikers gevolg word.

Die anti-natale beweging het in Indië begin waar jonger mense poog om sosiale druk te weerstaan om kinders te kry.

“Jou ouers het jou gekry in plaas van ʼn speelding of ʼn hond. Jy skuld hulle niks nie. Jy is bloot hulle vermaak.”

Hoewel Raphael wye mediadekking geniet oor sy uitsprake, is dit nie duidelik of hy wel van plan is om sy ouers te dagvaar en of dit moontlik deel is van ʼn promosieveldtog nie. Gebruikers bevraagteken sy pogings om sy identiteit te verbloem en die vals baard wat hy in die onderstaande video dra.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Eish

Nou toenou! Dit is die grootste grap van die eeu!

geboorte

Ja Ramkat ek stem saam. Hoe vra jy ‘n fetus of eiersel toestemming. Dalk is my kop net te plat om te verstaan

Super sot

Onthou net as jy jou ouers niks skuld nie, skuld hulle jou ook niks nie. Groot uitgevrete man wat seker nie vir homself kan sorg nie.

Alta Green

Hy het toestemming gegee toe hy uit sy pappa na sy mamma geswem het en verby 100000000e spermpies gejaag het om die eiertjie te bevrug ?

Hanna patat

Ek is seker as sy ouers n keuse gehad het…Het hulle hom ook nie gekies nie HAHAHAHA