Miljoene geëis ná kind by verkeerde bushalte afgelaai word

Adrena Hartzog en haar dogter, Zariah (Foto: New York Post)

ʼn Ma van Brooklyn, New York, wat sê haar vyfjarige dogter is by die verkeerde bushalte afgelaai, eis nou $7 miljoen (meer as R92 miljoen) van die busmaatskappy.

Volgens ʼn berig deur die New York Post beweer Adrena Hartzog (28), die ma van die vyfjarige Zariah, dat Boro Transit geweier het om na haar klag te luister oor die voorval of om die bestuurder te identifiseer. Die voorval het reeds in 2015 plaasgevind, toe Zariah nie by die bushalte opgedaag het nie.

Hartzog het herhaaldelik haar dogter se skool gebel, maar niemand kon vir haar ʼn antwoord gee nie. Sy het daarna haar dogter as vermis aangemeld by die polisie. Zariah is later 10 blokke verder by ʼn besige kruising, sonder ʼn verkeersbeampte, gevind.

Boro Transit het in daardie stadium gesê die busbestuurder “het ʼn guns vir ʼn ander ouer gedoen” deur ʼn ander kind nader aan ʼn grootouer se huis af te laai. Dis nie duidelik wie dié kind is en hoe die “guns” daartoe gelei het dat Zariah by die verkeerde bushalte afgelaai is nie.

Hartzog voeg by haar dogter, wat vroeër ʼn sprankelende persoonlikheid gehad het, is nou depressief en angstig nadat medeskoliere haar ná die voorval “die verlore hondjie” begin noem het.

Om ʼn kind by ʼn “ongemagtigde” halte af te laai, is ʼn oortreding van New York se riglyne vir skoolbusbestuurders en dit kan lei tot ʼn sesmaandeskorsing vir ʼn eerste oortreding.

Die hofsaak kom nou voor in ʼn hof in Brooklyn. Die departement van onderwys ondersoek ook die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
No

Reg so! Die angs wat die ma en kind moes deurmaak. Maar $7mil…

Karen

bwa-ha-ha, dis darem ‘n walglike belaglike eis, maar dis die VSA, ne? Ek kan nie myself beheer nie, McDonalds maak te lekker kos, hulle moet my vergoed oor ek vetsugtig en “obese” is

Onnie

Klink vir my na ‘n gierige ouer of prokureur wat uit hierdie situasie probeer ryk word. Be careful what you wish for – God is not sleeping on the job, he knows your intentions

Danie

Watter ouer wat sy /haar sout werd is laat ‘n 5-jarige kind alleen op ‘n bus ry. Dit maak nie saak dat dit ‘n skoolbus is nie. Dit maak nie saak dat daar to dalk toesighouers is nie. Dit is moeilikheid wat nog net ‘n plek soek om te gebeur. Ek ouers wat so maak sal natuurlik ander soek om te blameer. Sien dan is die mos nie meer my probleem nie.

Penellope Jones

Ek verstaan dat die ouer wil eis maar hoekom SO baie???