Moedersdag vir die Schwandt-gesin (Foto: 14 Outdoorsmen/Facebook)
Jay en Kateri Schwandt het uiteindelik hierdie maand ʼn dogtertjie, Maggie Jayne, in die gesin verwelkom.
Maroela Media het in 2018 oor die gesin berig toe die 14de seun sy opwagting gemaak het.
Maggie Jayne is op 5 November gebore, aldus sosialemediaplasings deur die gesin.
Voor Maggie Jayne het die Schwandt-egpaar (albei 45 jaar oud) met hul 14 seuns gespog: Tyler, Zach, Drew, Brandon, Tommy, Vinny, Calvan, Gabe, Wesley, Charlie, Luke, Tucker, Francisco en Finley.
Die gesin het ʼn webreeks genaamd “14 Outdoorsmen” waar die seuns aan allerhande buitelug-aktiwiteite deelneem op hul 80 hektaar-plaas in die weste van Michigan in die VSA.
Die gesin se oudste seun is in sy laat 20’s. Kateri is self een van 14 kinders.
-
- Kateri Schwandt (Foto: 14 Outdoorsmen/Facebook)
-
- Maggie Jayne (Foto: 14 Outdoorsmen/Facebook)
-
- Vadersdag vir die Schwandt-gesin (Foto: 14 Outdoorsmen/Facebook)
-
- Die seuns is dol oor hul nuwe sussie (Foto: 14 Outdoorsmen/Facebook)
‘n Foto van die groep seuns op 16 Februarie 2018 (Brandon [nou 20] is nie op die foto nie, en Finley en Mary Jayne was nog nie gebore nie) V.l.n.r. die broers Francisco (2), Tucker (4), Luke (6), Charlie (8), Gabe (11), Wesley (9), Calvin (13), Drew (20), Tommy (16) Zach (22), Vinny (15) en Ty Schwandt (25) (Foto: Casey Sykes/The Grand Rapids Press via AP)
Wat ‘n prestasie. Ouers julle word gesalueer
Welgedaan! Ek het opgehou probeer vir ‘n seun na vier dogters :D
Kan mense regtig deesdae bekostig om soveel kinders groot te maak. Gaan my verstand te bowe. Ek raap en skraap met twee…. Ek hoop nou na die dogter is hulle klaar. Sy was seker vir die laaste 20 jaar so te sê permanent swanger as hul oudste 20 is en hierdie die 15de kind is.
Patch, die oudste was in 2018 al 25, dus nou al 27 so sy het darem af en toe asem geskep.
Daar gaan die rugbyspan.
Dit is Amerikaners die. Hulle het genoeg vir ‘n Gridiron (Amerikaanse voetbal) span met twee reserwes, ‘n ‘waterboy’ en nou ook ‘n ‘chearleader’. :)
Kateri se naam moes Elna gewees het…
Gelukkig is hulle almal gesond, mag dit met hulle net voorspoedig gaan,
Mmm en wat moes Jay se naam gewees het?
Singer
Skerp
Sjoe, hoe kan mense so baie kinders bekostig lewe is al klaar moeilik genoeg met 2.
Sjoe…dink dit is nou tyd om n tv aan te skaf…
WOW! Katari moet ‘n sterk gestel hê om 15 kinders in die wêreld te bring EN groot te maak!
Onthou almal se name?
Nog 13 dogters om te gaan ;)
Hoop nie hulle stop nou nie. Kort net nog n seun vir n rugby span