Oeps! Spelfout op die vliegtuig

Foto: Hong Kong Aviation Discussion Board

Cathay Pacific, ʼn lugredery van Hongkong, moes ʼn vliegtuig onttrek weens ʼn spelfout aan die kant van die vliegtuig.

Die woorde “Cathay Paciic” het aan die kant van die Boeing 777-367 gepryk.

Die maatskappy se sosialemediaspan het vinnig die humor in die fout raakgesien en bevestig die vliegtuig word teruggestuur om weer geverf te word.

Die foto is oorspronklik op die Hong Kong Aviation Discussion Board gepubliseer, ʼn Facebook-groep vir vliegtuigliefhebbers.

Alhoewel die lugredery volhou die spelfout was slegs ʼn fout, is sommige persone onseker hoe dit kon gebeur. ʼn Ingenieur vir Haeco, ʼn instandhoudingsmaatskappy in die streek, het aan die South China Morning Post gesê die spasiëring is te akkuraat vir ʼn blote spelfout. “Ons het stensils. Daar sou ʼn oop spasie tussen die letters gewees het as dit regtig ʼn fout was.”

Die vliegtuig was van Xiamen in China, waar Haeco instandhoudingswerk vir die lugredery doen, na Hongkong op pad. Dit het vroeg Woensdagoggend in Hongkong geland. Die vliegtuig is al sedert 2004 deel van die lugredery.

Die fout sal waarskynlik die lugredery duisende uit die sak jaag om dit te herstel.

Gebruikers op sosiale media het ook vinnig grappe gemaak oor die fout:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

Linda van Mosselbaai ·

So bly om te sien sulke foute word nie net hier gemaak nie!

Lekker lag ·

HEHEHE MENSE Sê MOS SPELLING MAAK NIE MEER SAAK NIE?? Hoekom moan almal nou? Die deur is anyhow in die pad, nie plek vir al die letters nie . hehehehehe

Piet Pompies ·

Met die dat dagga verbruik in SA nou wettig is gaan ons seker heelwat spelfoute bykry.. Woudakom…. Selsee….. Em Tee En…. Tohouta… Sousoekie….

Cherokee ·

As dit maar net spelfoute was wat in Suid Afrika gemaak word, sou ons ook kon glimlag daaroor.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.