Ondersoek ingestel oor dronk seemeeue

Argieffoto

Die Dierebeskermingsvereniging in Engeland ondersoek talle gevalle van dronk seemeeue wat “gedisoriënteerd en verward” optree in die suidweste deel van die land.

Die besope voëls is van strande oor Devon en Dorset gered. Beeldmateriaal wys hoe een van die seemeeue strompel en sy balans verloor.

Die DBV het aanvanklik gedink die voëls het moontlik ʼn bakteriële siekte onder lede, maar meeste van die voëls het egter herstel ná hulle gebraak het. Hulle het boonop almal na bier geruik en reddingsbeamptes het bepaal dat die voëls inderdaad besope is.

ʼn Paar van die seemeeue het gevrek, alhoewel meeste kon herstel “nadat hulle hul roes afgeslaap het”.

Beamptes het nog nie ʼn antwoord hoe die voëls dronk word nie. Daar is aanvanklik gedink dat die seemeeue moontlik bier drink wat oorgebly het nadat strandgangers plastiekglasies agtergelaat het. Daar word nou vermoed dat verskeie plaaslike brouerye van hul alkoholiese afval ontslae raak sonder om die natuur daarteen te beskerm.

Bron: SkyNews

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

Johann cb ·

Ek kry hulle jammer, maar dit is nogal baie snaaks!
Give the man a Bells!

SAARTJIE VAN DIE KAROO ·

Dalk was die water skaars, soos hier by ons?

VanAfrika ·

Ag ma, ons wou net n jol hê toe word ons uitgevang☺☺☺

Ilse Brondani ·

Kan nie verstaan hoekom julle die term ‘gevrek’ moet gebruik nie… Net oor dit ‘n dier kan kan julle nie ‘gesterf’ gebruik nie???

Lika ·

@Ilse, dis die korrekte afrikaanse term, diere vrek en mense sterwe.

Lizl ·

Jip… diere vrek. Net soos vrouens swanger raak en diere dragtig en broeis. Soos `n vrou kraam en `n koei kalf. `n Reun hond is nie `n seuntjie hond nie, jou dogtertjie hond is eintlik `n teef. Dit is die korrekte Afrikaanse bewoording. En… ons bly nogsteeds lief vir ons diere en sal hul nie aan `n tou swaai en in die vuur gooi nie. Maar `n seemeeu het gevrek aan alkohol vergiftiging. Nie sy skuld nie, maar die mens sn.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.