Ongevalle toe ná sy gom in plaas van haarsproei gebruik

Skermgreep uit die video

ʼn TikTok-gebruiker moes onlangs ongevalle toe haas toe sy ʼn sterk gom in plaas van haarsproei gebruik het.

“Ek het nie meer Got2B Glued Spray [haarsproei] gehad nie, en toe gebruik ek Gorilla Glue Spray,” het Tessica Brown in haar video gesê. “Slegte, slegte, slegte idee.”

Sy wys dan haar blink hare, wat nou glad nie kan beweeg nie.

TMZ berig Brown moes Saterdag na ʼn hospitaal se ongevalle toe gaan nadat sy aanvanklik probeer het om met isopropiel alkohol die gom te verwyder – gebaseer op raad van die vervaardigers van die gom.

Sy het al ʼn maand lank dié permanente haarstyl, maar het eers verlede week haar fout op TikTok bely waarna die video ook wyd op Twitter gedeel is met die hutsmerk #gorillagluegirl.

Op haar Instagram-rekening het sy ʼn video gedeel waar iemand tevergeefs probeer om die gom uit haar hare te verwyder en foto’s van haar besoek aan die hospitaal in Louisiana in die VSA.

Gorilla Glue is ʼn uiters sterk huishoudelike gom wat in Amerika vervaardig word. Dit kan gebruik word om onder andere stukkende meubels te herstel. Dit kan op metaal, klip, hout, keramiek, spons, glas en talle ander tipe materiale gebruik word. Die gom is deursigtig, water- en temperatuurbestand.

@im_d_ollady

Stiff where????? Ma hair ????????

♬ original sound – Tessica Brown

 

 

 

View this post on Instagram

 

A post shared by Tessica (@im_d_ollady)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
koos10

Dubbel stupid. Gebruik eers gom op hare, en dan verkondig jy dit nog wêreld wyd.
Jy is ‘n goeie kanidaat om in SA se regering te dien!

Wielspore

Dit is nou om skoonheid tot sy hoogste vlak te neem!

Blikke

Ja Nee….as jy Dom is moet jy Suffer!!

HerculesJvV

Tipiese gedrag van die Tik Tok generasie….. Ek sak my kop in skaamte vir die gemors wat sommige van vandag se jeug na-streef, net vir kamma roem op die internet.

Menan

Daar’s nie pille vir domgeid nie….