Nilanshi Patel (16) van Indië het as sesjarige haar hare laat sny. Sy was só ontsteld dat sy daarna besluit het om haar hare so lank as moontlik te laat groei. Nou is dit 170,5 cm lank en sy is die Guinness Wêreldrekordhouer vir die tiener met die langste hare.
Dit duur ongeveer 30 minute om droog te word en dan nog ʼn uur om dit te borsel. Sy sê sy was haar hare net een keer ʼn week en haar ma is gewillig om haar te help om dié lang hare te versorg. Sy dra dit gewoonlik in ʼn vlegsel of in ʼn bolla en haar vriende reken sy is die ware Raponsie uit die sprokie.
Nilanshi is in die 2020-weergawe van die Guinness Wêreldrekordboek te sien.
Klik hier as die video nie direk in jou webblaaier wil speel nie
In Ons land het ek al kinders met langer hare as sy gesien, gevleg en dan teruggevou om aan vlegsel vas te maak met rekkie.
dis pragtig. wat ek die meeste van hou is dat dit so dik tot op die punte is. baie keer sien jy iemand met lang hare, maar ai tog die rafeltjies op die punte laat dit lelik lyk.
Susan, ek stem saam, dit is ‘n pragtige dik bos hare. Ek het ook al dametjies gesien wat ten alle koste hulle “lang” hare wil behou, maar dan is dit so gebreek en al dunner na die punte toe, dat dit eintlik glad nie meer goed lyk nie, dit sou beter lyk as hulle dit liewer korter dra. Ai, hoe verlang ek nou na my lang bos hare wat ek met trots gedra het tot op 44-jarige ouderdom, en menigte komplimente voor gekry het. Maar myne het net tot op my heupe gehang, dit is die lengte wat ek dit gehou het.
Ek wonder hoeveel sy jaarliks bestee aan bottels sjampoe ? En daai bondel op die kop kan seker swaar wees om permanent te dra.
Daar is niks mooier en meer vroulik as `n vrou met lang hare nie…
Sy is die ewe beeld van wat vroulikheid in God se Skepping betref en Hyself kan nie anders as om dit te respekteer nie.