Mens wonder altyd hoe tegnologie die alledaagse eendag gaan verander. As dit by dié skoene kom, is die toekoms reeds hier.
ʼn New-Yorkse maatskappy, Shiftwear, is besig om ʼn hoëdefinisie “e-ink”-skoen te ontwerp, wat jou toelaat om animasie en kleur-ontwerpe op jou skoen te vertoon deur ʼn rekenaar- of foon-app te gebruik.
Dié maatskappy het ongeveer 2 miljoen dollar om ʼn konsep-skoen te ontwerp, waarvan 128,560 dollar reeds ingesamel is.
As dié plan realiseer, sal die skoen middel 2016 beskikbaar wees en jou ongeveer 150 dollar uit die saak jaag. Jy sal kan kies uit drie ontwerpe, elk in verskeie kleure.