Foto: Anil T Prabhakar/Borneo Orangutan Survival Foundation
ʼn Foto het die oomblik vasgevang toe ʼn orangoetang ʼn natuurbewaarder wou help wat gelyk het of hy in ʼn rivier vasgekeer is.
Die foto is in ʼn natuurbewaringsgebied in Borneo geneem toe die man na slange in die rivier op soek was om die ape in die gebied te beskerm. Dit lyk of die orangoetang sy hand uitstrek om die man te red wat heuphoogte in die modderige rivier staan.
Die Borneo Orangutan Survival Foundation het die foto op Facebook gedeel waar dit gebruikers se hartsnoere geraak het.
Die foto is deur Anil Prabhakar geneem. Hy was op safari saam met sy vriende toe hy op dié roerende toneel afgekom het.
Prabhakar het later gehoor die onbekende man in die foto werk vir die stigting, wat die bedreigde spesie probeer beskerm.
Die man het nie die orangoetang se uitgestrekte hand aangeraak nie, omdat dit ʼn wilde dier is. “ʼn Orangoetang het na die wal toe gekom om te kyk wat hy doen. Hy het nader gekom en sy hand uitgestrek. Die natuurbewaarder het net wegbeweeg. Toe ek hom later vra hoekom, het hy gesê dit is ʼn wilde dier en hulle is nie vertroud met mekaar nie.”
Te dierbaar vir woorde!!!! So spesiaal en maak my hart sommer warm
Ek vertrou liewer die oerang oerang voordat ek ons regering vertrou