Renosterkalfie sit vas in die swaai

Qabid, die renosterkalfie (Foto: Edinburgh-dieretuin/YouTube)

Brandbestryders moes ʼn renosterkalfie bevry wat by ʼn dieretuin vir langer as ʼn uur in ʼn buitebandswaai vasgesit het.

Personeel by die Edinburgh-dieretuin in Skotland het die brandweer ontbied wat van meganiese toerusting gebruik moes maak om Qabid, ʼn twee jaar oue renosterkalfie, te bevry.

Volgens die dieretuin speel Qabid graag op dié swaai maar sy kop en been het Sondagmiddag in die buiteband vasgesit en hy kon nie self loskom nie.

Qabid is eers verdoof voor brandbestryders hom bevry het. Hy is nie beseer nie.

Qabid is in België gebore en is in Julie vanjaar na die dieretuin in Edinburgh oorgeplaas. Die dieretuin het verskeie renosters.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Rikku

Maroela, Video of fotos asseblief