‘Rugbyspelende’ skaap het Kiwi’s aan ‘t gons

Maree MacDonald en Bruce. (Foto: YouTube)

Soos dit maar so dikwels met keurders gaan, het dit vier jaar geduur voor hy raakgesien is, maar ʼn “rugbyspelende” skaap het Nieu-Seeland nou aan die gons.

Daar word selfs geskerts dat die All Blacks dalk die perfekte speler vir die volgende toernooi om die Wêreldbeker gevind het.

ʼn Moedswillige kommentator merk op dat hy beter as die meeste Australiese rugbyspelers is.

Tuscany MacDonald van Rotorua het die video, op sowat twee weke na, vier jaar gelede op YouTube geplaas, maar iemand het dit nou raakgesien, en dit versprei skielik soos ʼn veldbrand op die sosiale media.

Die videovolgreeks toon Tuscany se ma, Maree, wat ʼn rugbybal vir die mak skaap Bruce gooi, wat dit met sy kop terugstamp.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Scalla ·

Vergeet van die bok span, hy gaan beslis die skaap span haal.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.