Sak, Sarel! Dié visserman spog met oudste van dié spesie

Jason Boyll en sy 50-jarige Warsaw-klipkabeljou (Foto: FWC Fish and Wildlife Research Institute/Facebook)

Niemand hoef vir dié visserman te sê hy oordryf nie: hy spog met die oudste van dié spesie klipkabeljou ooit.

Jason Boyll, ʼn amateur visserman van Siesta Key in Florida in die VSA, het in Desember ʼn Warsaw-klipkabeljou van 160 kg gevang.

Die Florida Fish and Wildlife Conservation Commission (FWC) het Vrydag in ʼn plasing bevestig dit is die oudste van dié spesie wat ooit aangeteken is. Die vis is na raming 50 jaar oud.

“Dit is die oudste vis wat nog ooit vir ons verouderingsprogram gevang is,” het die FWC se navorsingsinstituut gesê. Bioloë het die klipkabeljou se ouderdom bepaal deur sy otoliete, ook bekend as oorsteentjies, te ondersoek. Otoliete is kalsiumkarbonaatkorrels wat in die binneoor van gewerweldes aangetref word en wetenskaplikes kan dit gebruik om die ouderdom van visse te bepaal.

Boyll het die vis op 29 Desember aan die weskus van Florida gevang op ʼn diepte van 182 meter, aldus die FWC. Warsaw-klipkabeljoue kan tot 260 kg weeg.

Die FWC het bygevoeg hy moedig nie aan dat Warsaw-klipkabeljoue geteiken word nie, aangesien die status van die bevolking bekend is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
RHG

Vreeslik trots om sy lewe te neem. Neem ‘n foto en laat die vis vry.

Waarheid

Skande. Arme vis. Was dit nou nodig om die oudste van die vis dood te maak. Die mensdom darem!! Dan wil ons vinger wys na mede burgers wat stupid goed doen….

Hester Hockly

Dit is so jammerte dat die vis uitgebring is. Hulle moes hom eerder “getag & released” het .

Andre

Daar kan n paar mooi filette uit daai vissie kom .

Daan

Skande dat julle ouens vis en skyfies eet en blikkiesvis! Die arme visse het nog nie eers behoorlik gelewe nie.Daai vis het darem ‘n vol lewe gehad.