SA’ners kom nie mas op in tenkresies nie

Skermgreep uit die video

Die Suid-Afrikaanse span kon in 2018 nie die mas opkom tydens ‘n jaarlikse tenkresies in Rusland nie.

Die tenkresies word deur die Russiese weermag gereël en is soortgelyk aan die Kanadese Weermagtrofee en word beskou as die Olimpiese Spele van die weermagwêreld. Die ingewikkelde opleiding van tenkbemanning word getoets oor rowwe terrein met hul vermoë om akkuraat en vinnig te vuur terwyl toertjies uitgevoer word.

Deelnemers moet drie rondtes van tussen 6 km en 10 km in ʼn T-72-tenk aflê. In die eerste rondte word daar gevuur op teikens wat op afstande van 1 500 m, 1 700 m en 1 800 m geposisioneer is. In die tweede rondte moet daar op verskillende teikens, soortgelyk aan ʼn mortier (RPG)-span en ʼn infanterie-eenheid, op ʼn afstand van tussen 600 m – 700 m gevuur word met ʼn 7.62 mm-masjiengeweer. In die derde rondte moet die spanne op ʼn anti-tenk missiel (ATGM-eenheid) vuur op ʼn afstand van 1 200 m. Elke keer wat die span die teiken mis, moet hulle ʼn bykomende strafrondte van 500 m aflê.

Alle spanne neem aan die eerste rondte deel; 12 spanne neem aan die halfeind-aflos deel; en vier aflosspanne neem aan die laaste rondte deel.

Business Insider berig Suid-Afrika het in die laaste plek geëindig. Dit het die Suid-Afrikaners 57 minute lank geneem om die baan te voltooi. Zimbabwe het 54 minute en 27 sekondes geneem. Azerbaidjan, Suid-Afrika se groepwenner, het slegs 26 minute geneem. Venezuela het die rondte gewen binne 25 minute en 42 sekondes.

Die Weermagspele duur nog tot 11 Augustus voort met 28 verskillende sportsoorte. Altesaam 32 lande neem aan die kompetisie deel. Meeste van die geleenthede vind in Rusland plaas, maar daar is ook geleenthede in China, Kazakstan, Iran, Belarus en Armenië.

Lees meer:
Ministry of Defence of the Russian Federation
Army Games

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

47 Kommentare

jongste oudste gewildste
Tenk

Die spanne kan bly wees SA het nie hulle raak geskiet nie. Daarsy SANDF hou ons naam HOOG!!

Ellisras

Ons het slegter as Zimbabwe gevaar.
Zimbabwe.
Nie dat dit my verbaas nie.

Gerhard Bezuidenhout

Ek kan julle n brief in brial gee dat die resultate heelwat anders sou wees indien die ou manne van die ou Weermag kans gegun sou word,

E.K. die eerste

Waarin kom SA nou EINTLIK die mas op? Hmmm…ek het vergeet: misdaad! Daarin is ons wêreldkampioene

Ben Niemand

Kallie, neem jy nou die woorde so uit my mond…