Seuntjie jaag met beseerde hoender na hospitaal

Derek C Lalchhanhima (Foto: Sanga Says/Facebook)

ʼn Klein seuntjie van Mizoram in Indië word as ʼn held bestempel op sosialemediaplatforms ná hy per ongeluk die bure se hoender met sy fiets getref en daarna met die beseerde hoender na ‘n hospitaal gejaag het.

Die sesjarige Derek C Lalchhanhima het by die hospitaal aangekom en hulle om hulp gesmeek. Hy het tien roepees (ongeveer R2), al die geld wat hy gehad het, vir die personeel aangebied om die hoender te behandel.

ʼn Foto van die seuntjie is op Facebook gedeel deur die gebruiker genaamd “Sanga Says” en dit het vinnig opslae gemaak.

Meeste persone het hom in die kommentaar geloof en gesê “die mensdom is veilig in hande soos jong kinders soos hy”.

Derek se skool het hom Donderdag vereer met ʼn sertifikaat tydens ʼn tradisionele seremonie vir uitnemende dapperheid.

Dis nie duidelik of die hoender die voorval oorleef het nie.

I guess by now you all know who this adorable kid is.Derek C Lalchhanhima (age 6) is being honoured by his school and…

Posted by Sanga Says on Thursday, 4 April 2019

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Avra

Met sulke kinders kan die aarde gered word. Knap gedaan.

Blaarman

Maak my sommer die hoenders in dat daar nie gesê word wat met die honder gebeur het nie…

Verslaggewers deesdae voel maar vere vir hul werk.

Joey

DÍS nou kosbaar!

Tarien

Dis nou rerig oulik?

waarheid

Dierbaar!!!
Hoop hy word eendag ‘n dokter – want hy het deernis.