Meer as 230 Kersvaders het Sondag in hul rooi pakke die skihange aangedurf ter wille van liefdadigheid.
Die groep skiërs en sneeuplankryers kon verlede jaar weens die Covid-19-pandemie nie aan dié jaarlikse Santa Ski Run-geleentheid deelneem nie. Hulle het hierdie jaar egter die skiseisoen op ‘n hoë noot afgeskop in hul kenmerkende rooi pakke, wit baarde en rooi hoede.
Die geleentheid het by die Sunday River-ski-oord in Newry, Maine in die VSA plaasgevind. Die Sinterklase moet elkeen $20 (sowat R320) opdok vir ʼn liefdadigheidsorganisasie wat plaaslike opleiding- en ontspanningsprogramme ondersteun. Altesaam $4 640 (byna R74 000) is tydens die geleentheid ingesamel vir die Sunday River-gemeenskapsfonds.
Die Travel Channel het ook al vorige jare oor dié prettige geleentheid berig.
Lyk sommer lekker