Foto: CNN
Wat oorspronklik as ʼn Aprilgekkedag-grap begin het, het nou ʼn werklikheid geword.
Dit het alles begin op 1 April 2016 toe Nestlé op Facebook gesê het hy gaan KitKat-“soesji” verkoop. Die reaksie op sosiale media was só oorweldigend dat KitKat besluit het om voort te gaan met dié idee.
KitKat het Donderdag die nuwe peuselhappies in Japan bekendgestel. Dit is darem nie regtig soesji nie, maar lyk soos die ware Jakob.
Daar is drie soorte KitKat wat die boonste gedeelte van die soesji uitmaak: framboossmaak, pampoenpoeding en waatlemoen met Italiaanse roomkaas. Al drie het ʼn basis van gepofte rys, wit sjokolade, seewier en ʼn klein bietjie wasabi.
Die KitKat-soesji is spesiaal vir besoekers wat minstens 3 000 yen (sowat R350) by KitKat se nuwe winkel in Ginza in Japan bestee.
Lees meer hier: CNN
Yum!!!