Só slaap jy binne 60 sekondes

Argieffoto

Argieffoto

As jy al ooit nagte om wakker gelê het, of dit nou uit angs of kommer of weens slapeloosheid was, is dié wenk spesiaal vir jou.

Dr. Andrew Weil, ʼn mediese dokter wat op holistiese gesondheid fokus, het met die sogenaamde “4-7-8-asemhalingsoefening” vorendag gekom en volgens hom bevorder dit goeie slaapgewoontes en sommige persone voer aan hulle raak binne 60 sekondes aan die slaap.

Die metode is gebaseer op pranayama, ʼn antieke Indiese praktyk wat jou help om jou asem te reguleer.

Só maak jy:
1. Haal rustig vir vier sekondes deur jou neus asem
2. Hou jou asem vir sewe sekondes in
3. Haal stadig asem uit oor agt sekondes
4. Herhaal die patroon

Waarom werk dit?
Wanneer mens angstig of gespanne is, verhoog die vlakke van adrenalien in jou bloed, en jy begin vinniger asem haal. Hierdie asemhalingsoefening dwing jou hart om stadiger te klop, en help jou om te kalmeer.

Slaap jy genoeg?

Pasgebore babas (0 – 3 maande)14 tot 17 ure slaap per dag
Babas (4 – 11 maande)12 tot 15 ure slaap per dag
Peuters (1 – 2 jaar)11 tot 14 ure slaap per dag
Kleuters (3 – 5 jaar)10 tot 13 ure slaap per dag
Skoolgaande kinders (6 – 13 jaar)9 tot 11 ure slaap per dag
Tieners (14 – 17 jaar)8 tot 10 ure slaap per dag
Volwassenes (18 – 64 jaar)7 tot 9 ure slaap per dag
Ouer volwassenes (65 jaar en ouer)7 tot 8 ure slaap per dag

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

16 Kommentare

FC ·

Ek het gevind dat dit werk uitstekend as jy net konsentreer om jou tong te ontspan. Jy slaap nog voor jy wonder of dit werk.

Zane ·

Ok ekt dit gou probeer juis omdat ek aan angs, stress en slapeloosheid lei. Ek slaap so 28 ure van maandag tot sondag. Dis bitter min. Ek moes wel nou die proses I hele paar keer herhaal maar kon voel hoe raak ek rustiger en ontspanne. Gaan my dalk nou nie 60 sekondes vat nie maar 10 minute is ook fine solank ek net so gou moontelik kan slaap.

Japie ·

Dit is die ideaal, maar iemand met drie babas / kleuters en wat nog moet werk, huis skoon maak etc kan dood eenvoudig nie. Ek is happy as ek 5 ure slaap in kry…

DPJ ·

Die is seker goeie raad maar ek hen nie slaap probleme nie eb is al 66.

DPJ ·

Die mag goeie raad wees maar ek is 66 en het nie slaap afwykings nie.

Graaf ·

Ek vind ‘n slaappil saam met ‘n halwe glasie skoon brandewyn baie effektief.

Francie van Rensburg ·

Neewat, die tellery gaan my wakker hou. Om met min slaap klaar te kom, neem tyd. Die beste is om nie eers in daardie roetine te verval nie.

Derick ·

Ek gaan dit probeer, Ek is 20, en slaap baie sleg, word ongeveer 5 keur per mag wakker, en slaap baie onrustig, draai heltyd en sukkel om te slaap, volgende oggend is ek doodmoeg…Ai dit is baie uitputtend

Truidie ·

Dinge wat vir my help: drink water, luister na een of twee liedjies net om jou brein se aandag af te trek, eet `n piesang of iets met suiwel (glas melk, griekse jogurt of kaas). Piesang verskaf kalium en magnesium wat jou spiere en ooraktiewe senuwees ontspan, en melk bevat kalsium wat ook jou neurone kalmeer. Sterkte!

Rene van Wyngaarden ·

Ek le en dink ek het nie tone nie, dan nie voete nie, dan niks tussen my enkels en my kniee nie. Ek kom nooit tot by my heupe nie. Werk ook met vingers , hande ens. Probeer dut gerus.

TvA ·

Ek kom tot by die stadium wanneer ek dink ek het niks tussen my ore nie!

Alta Robertson ·

Dus waar die spreekwoordelikke skape tel vandaan kom .Ouma het gese tel staaaaaadig

Chris ·

Wonderlik. Ek moet die tabel vir my baas wys. Ek moet 7 tot 9 ure se slaap per dag inkry.. Dan wil hy my vertel ek moet dit in die nag doen……

Liewe Heksie ·

Na my man se dood kan ek om die dood nie by myself aan die slaap raak nie al amper 9 jaar nou My brein sluit net nie af nie en ek is op die sterkste slaappil wat voorgeskryf kan word en daarmee is ek gelukkig as ek 4 ure slaap

Eliza-beth ·

Sukel al jare met slapeloosheid, maar wat, lewe MET dit. Het op ‘n kol ‘n slaappil gedrink maarw at, mens raak te gou verslaaf en naderhand moet jy al sterker pille drink. Nee wat ek lees tot middernag as dit moet en soms nes ek die lig afsit is ek weer wawydwakker. Geen tellery, melk drinkery, wyn drinkery, vermy van alle alkohol, eet dit of eet dat, vroeër gaan slaap, later gaan slaap, joga… jy noem dit dit werk nie vir my so ek is rustig oor dit en “go with the flow” en maak maar die beste van die slegte saak.Ek probeer nie dink oor dit en is net rustig en lê met my oë toe en rus en dis ook reg. Sterkte aan my mede-min-slapers!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.