Sonsverduistering: Pasiënte behandel wat sonskerm in hul oë gesmeer het

Die sonsverduistering wat Maandag, 21 Augustus 2017 in die grootste gedeeltes van die VSA gesien kon word. Foto: R. Baer, S. Kovac/Citizen CATE Experiment via AP)

Diegene wat na alternatiewe metodes gesoek het om hul oë te beskerm tydens vandeesweek se sonsverduistering in die VSA, moet nou behandeling ontvang nadat hulle sonskerm in hul oë gesmeer het.

Trish Patterson, ʼn verpleegster, het aan WCYB gesê daar was geen persone met skade nadat hulle direk na die son gekyk het nie, maar sy en haar kollegas het ʼn paar pasiënte gehad wat pyn ervaar het toe hulle sonskerm in hul oë gesmeer het.

Die persone is na ʼn oogkundige verwys.

Persone wat sukkel om te sien ná die sonsverduistering word aangeraai om ook ʼn oogkundige te sien.

Die laaste algehele sonsverduistering in die VSA was in 1979 en toe het slegs vyf state in die noordweste van die land totale donkerte beleef. Minstens 14 state het Maandag beleef hoe die dag vir ʼn oomblik nag geword het, maar die hele Noord-Amerika, Sentraal-Amerika en die boonste gedeelte van Suid-Amerika het ʼn gedeelte van die verduistering gesien.

Volgens navorsers gaan Suid-Afrika op 25 November 2030 ook ʼn algehele sonsverduistering beleef.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
NICKEY

Sonskerm in hul oe gesmeer??
Nee,,, wag nou,, hoe dig kan sulke mense wees…..of was hulle pasiente in ‘n psigiatriese hospitaal?

Genugtig

These Americans, they are crazy.

Tonginkies

Suid-Afrika beleef al die afgelope paar jaar permanente algehele sonsverduistering!!

Aitoggie

Goed gestel Tonginkies, mens kan dit niks anderste noem nie.

Ellisras

Ons is omring deur idiote. Wel ten minste in die USA. of VSA. En asseblief dit is nie Amerika NIE. Amerika is die vasteland. Nie ‘n poletieke staat nie.