Spoedboete – want hulle ry te stadig!

Argieffoto (Foto: Skitterphoto, Pixabay)

Die polisie in Idaho, VSA, het ʼn nuwe wet ingestel wat stadige motoriste in die verbysteekbane op snelweë teiken. Die wet het op 1 Julie 2018 in werking getree.

Plaaslike media het vandeesweek berig twee bestuurders is op 27 Julie beboet toe hulle te stadig in die linkerkantste baan van die snelweg gery het. Drie ander motoriste het waarskuwings ontvang.

Meeste motoriste verwag dat die algemene verkeer in die regterkantste baan sal bly en die linkerste bane sal oophou om verby te steek, het lt. Shawn Staley gesê. “As motoriste stadiger beweeg, kan dit tot ongelukke lei.”

Die wet bepaal nie hoe lank dit ʼn stadiger motoris mag neem om na die regterkantste baan oor te beweeg nie. Staley het verduidelik dit moet binne ʼn “normale en redelike tyd” plaasvind, soos bepaal deur verkeersowerhede.

Motoriste wat die verkeer ophou omdat hulle te stadig ry, kan met $90 (ongeveer R1 200) beboet word.

Volgens die wet mag motoriste op ʼn tweebaanpad tot 15 mph (24 km/h) vinniger as die spoedgrens ry om ʼn ander voertuig, wat stadiger as die spoedgrens ry, verby te steek. Dit geld egter nie vir snelweë met meer as twee bane nie.

“As jy egter teen die wettige spoedgrens ry mag ʼn ander persoon jou nie van agter begin druk nie,” het Staley bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
bloues

Ai wens ons kon so wet hier in Gauteng kry!!

Fourie

Nou het ek twee vrae!? Hoekom moet almal so jaag?? As jy 30 minute vroër opstaan, hoef jy nie te jaag om by jou bestemming te kom nie! Tweede vraag. Wat van die ouer mense wat nie van spoed hou nie, maar wel op die snelweg moet ry om iewers heen te gaan? Waar moet hulle ry? Die grond pad? Sit dan spoedborde op langs die pad wat sê :”moet asb nie kruip nie, RY”.

Ellisras

Jy kan, maar dit gebeur nie, by ons vir te stadig ry van Roekelose en Nalatige bestuur aangekla word. Daar is ook ‘n mindere klag van Onbedagsame bestuur. Dan het jy ‘n kriminele rekord.

Piet Pompies

Spoedgrens is ‘n aanduiding vir motoriste wat is die aanbeveelde veilige spoed vir die pad, die doel is dan om so na as moontlik aan die spoedgrens te ry deur die verkeersvloei te bevorder. As ‘n voertuig teen 80km/h in ‘n 120km/h sone ry oortree hy eitlik die wet want hy veroorsaak ‘n obstruksie in verkeersvloei. Kyk gerus op Youtube na motorongelukke, daar sal gesien word hoeveel ongelukke word veroorsaak deur dromers wat stadig ry. Ons kom van tyd tot tyd in Gauteng en dit is opmerklik dat party regterbaan bestuurders die baan gebruik bloot omdat hy voel dit is… Lees meer »

Yankee

Idaho is sekerlik die “laaste” Staat wat dit toepas. 51 State doen dit al vir eeue.