Toets gedruip toe sy in bestuurskool vasry

Die motor het in die gebou vasgery Foto: Bellevue-polisie, Twitter

Die motor het in die gebou vasgery Foto: Bellevue-polisie, Twitter

ʼn Leerlingbestuurder in Washington in die VSA het Vrydag die belangrike verskil tussen die rempedaal en die petrolpedaal geleer toe sy in die gebou van ʼn bestuurskool vasgery het.

Owerhede in Bellevue het vinnig ʼn foto van die toneel geneem. Die polisie is ontbied ná berigte dat ʼn motor omstreeks 08:30 in ʼn gebou vasgery het.

Niemand is in die voorval beseer nie.

Die vrou, in haar 20’s, is glo nie ʼn boorling van Amerika nie.

“Sy het goed gevaar totdat sy teen die einde van die toets die petrolpedaal vir die rem aangesien het,” het Seth Tyler van Bellevue-polisie aan KOMO gesê. “Sy het nie haar toets geslaag nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Anny Penny ·

Dit kom daarvan as jy selfvoldaan dink nou kan ek bestuur en dan “relax” . Dis hoekom baie ongelukke naby aan mense se eindbestemming gebeur – daardie konsentrasie afskakeling net te vroeg

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.