Kastrolle en glase en servette en tafeldoeke is gewoonlik deel van die lys geskenke wanneer iemand trou, maar dié groep vriende het besluit om ʼn ongewone geskenk aan die bruidspaar te gee – ʼn “duur” sakkie uie.
Die paartjie is in Tamil Nadu in Indië getroud en het dié snaakse, maar handige, geskenk ontvang, berig The Hindu.
Vier vriende van die bruidegom het die geskenk – ʼn 2,5 kg sakkie uie – vir die egpaar gegee.
ʼn Foto van die geskenk is ook op Twitter gedeel.
“Uie word teen Rs195 (ongeveer R40) per kg verkoop – dit is duur vir die gewone man op straat. So ons het die 2,5 kg sakkie uie teen Rs500 (ongeveer R104) by ʼn winkel in Cuddalore gekoop,” het een van die vriende aan die koerant gesê.
That's expensive. Amid rising prices, Tamil Nadu couple gets bouquet of #Onion at #wedding.@ikpsgill1 @delhichatter@hvgoenka @Jainpankajkasan#OnionPrices pic.twitter.com/19Ilzk27He
— The Sunil Kapoor™ (@sunilkapoor8) December 9, 2019
Ek huil sommer. (Hoekom het ek dit gelees?)
Rooi uie is ook maar duur hier.