Henry met die koek vir sy 60ste verjaarsdag (Foto: Clyde Peeling’s Reptiland)
ʼn Dieretuin in Pennsilvanië in die VSA het ʼn verjaarsdagpartytjie gehou vir ʼn 60-jarige skilpad – boonop met ʼn koek wat gemaak is met sy gunstelingvrugte!
Henry, ʼn Aldabra-skilpad, het aanlyn bekendheid verwerf toe Clyde Peeling’s Reptiland, ʼn dieretuin in Allenwood, ʼn video van hom gedeel het waar hy sy koek geniet.
Henry spog met ʼn silwer verjaarsdaghoedjie en is klaarblyklik beïndruk met sy waatlemoenkoek.
Kalin Palmatier, ʼn woordvoerder van die dieretuin, het aan Insider gesê die koek bestaan slegs uit vrugte en groente. Die “stokkies” wat die koek aanmekaar verbind het, is droë spaghetti. “Ons bederf graag ons diere op sulke spesiale geleenthede. En om 60 jaar oud te word is ʼn goeie rede om fees te vier!”
Henry se “kamermaat” Al, het in 2016 met sy 50ste verjaarsdag ook ʼn spesiale partytjie gehad.
Besoekers aan die dieretuin word ook genooi om dié spesiale geleenthede met die diere te kom vier.
Klik hier as die video nie direk in jou webblaaier speel nie
Dis alles joune Skillie… Alles net joune… 60 jaar…bederf hom Baie.
Baie geluk Ou Grote! Geniet jou gesonde ete!!
Mooier as mooi. Die outjie het seker ‘n bad nodig gehad na daai fees.