Verlore stad in Suid-Afrika ontdek

ʼn Verlore stad wat van die 15de eeu dateer is in Suid-Afrika ontdek.

ʼn Verlore stad wat van die 15de eeu dateer is in Suid-Afrika ontdek, maar nie naby Mier in die Kalahari soos die meeste oorlewerings lui nie, maar teen aan Johannesburg.

Baie inwoners was lank reeds bewus van die ruïnes en dit is ook al dekades deur argeoloë besoek. Die gevolgtrekking tot dusver was egter dat dit losstaande wonings was en selfs klein dorpies.

Aan ʼn stad met tot 10 000 inwoners wat tot sowat 200 jaar gelede by Suikerbosrand bestaan het, is nie gedink nie.

Dit is eers toe prof. Karim Sadr van die Universiteit van die Witwatersrand lugfoto’s, bekend as Light Detection and Ranging (LiDAR) vanaf 2014 ingespan het, dat die omvang van dié stad aan die lig gekom het. Altesaam 8 000 woonstrukture kon reeds opgespoor word, maar nie almal is noodwendig gelyktydig bewoon nie. Nog strukture wat deur plantegroei bedek word, mag nog opgespoor word.

Die stad is deur Tswana-sprekers bewoon en was nie die enigste Tswana-stad van dié tyd nie. Dit is wel die verste stad oos. Die vonds sal waarskynlik die studie opskerp om te probeer vasstel waarom die Tswana-sprekendes in die 15de eeu verstedelik het.

Lees meer hier.

Beeldmateriaal by http://www.foxnews.com/science/2018/03/22/lost-city-revealed-in-south-africa-using-laser-technology.html

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Gedoriewaar

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Verlore plaas

En na dié navorsing gaan vele grondbesettings en grondeise volg!
Verlore stad of verlore plaas vir sommige?

Andrea

O genade! Nou gaan daar seker nog vinniger grondeise teen al die eiendomme in daai gebied kom . Sug.
Onder normale omstandighede sou dit interessant gewees het

Marie

Ok so nou moet in elke geval amper die hele Europa aan Rome teruggegee word??? Belaglik om grondeise op vroeë besettings te baseer.Daar was ooreenkomste bv. na die Boere die Zoeloes verjaag het na Matabeleland,(Mosega se
Slag buite Zeerust),het die Tswanas of wat oor was van hulle na die Difeqana ,grond aan die Boere gegee. Is hulle woord dan niks werd nie?

Penellope Jones

Toevallig dat dit nou te voorskyn kom met die grondeiening-debakel!

Ian

O. En ek dog dat Swartes min of meer saam met Blankes die binneland beset het?! Dis nou natuurlik volgens tradisionele argeologie wat predik dat die Khoisan die eerste inwoners hier was. Laat mens wonder wie se breinkondisionering was nou eintlik korrek.