ʼn Boot het gesink onder die gewig van twee seeleeus wat dit “gekaap” het.
Josh Philips, visserman en eienaar van Spawn Fly Fish, het in Desember iets vreemd opgemerk terwyl hy gevlieghengel het in Olympia, Washington. Van ver af het dit soos ʼn klein bootjie gelyk wat stadig besig is om te sink – en toe het hy die oorsaak gesien.
Twee Steller-seeleeus het hulself tuisgemaak op die boot, het Philips aan Popular Mechanics gesê.
Volgens die Marine Mammal Center is Steller-seeleeus die grootste soort seeleeu (mannetjies word tot 3,5 m lank en kan tot 1,120 kg weeg). Hulle leef langs die weskus van Amerika en die ooskus van Asië.
Die twee soogdiere het vermoedelik die boot vir ʼn rots aangesien – waar seeleeus gewoonlik rus en roofdiere soos haaie probeer ontduik.
Philips het ʼn video van die twee seeleeus op die boot op Instagram gedeel. “As daai ding nog drie visse vreet is dit neusie verby!” het hy gesê.
Hy het later boodskappe ontvang van verskeie mense dat die boot gesink het en het self gaan ondersoek instel. “Ek kan 100% bevestig; die boot is op die bodem.”
Laat my dink aan sekere mense wat economy class vlieg.
Hoe het hulle op die boot gekom? Dit moes weke geneem het!!
Al wat ek kan se is age moeder mamma !!!! Dis nou ougat.. sorry vir die boot eienaar se verlies !
Gewigtige saak.