Dorothy Yoemans (Skermgreep uit die video)
Dorothy Yoemans van Australië het met haar 104de verjaarsdag ʼn belangrike item op haar emmerlysie afgemerk: om saam met haaie te swem.
Sy het verlede jaar haar verjaarsdag met ʼn helikopterrit gevier. Op ʼn vraag waarom sy dié adrenaliengelaaide aktiwiteite aanpak, antwoord sy bloot: “Hoekom nie?”
Uniting Springwood, die tehuis vir bejaardes waar Dorothy woon, organiseer gereeld “positiewe lewenservaringe” vir sy inwoners. Een van die personeellede het gereël dat Dorothy by die Sea Life Sydney-akwarium saam met die haaie kan swem. Daar was ongeveer 30 haaie (hoofsaaklik Port Jackson-haaie) saam met haar in die tenk.
Sy het ná die tyd gesê dit was “wonderlik” en sy dink alreeds aan ʼn aktiwiteit vir volgende jaar.
Lees meer: The Islander Online
Klik hier as die video nie direk in jou webblaaier wil speel nie
Ag dis wonderlik……..Tannie reel vir jou volgende lewenservaring ‘n piekniek in die KNP saam met die leeus.
Persoonlik dink ek op 104 is mens se liggaam te klein vir al die pyne en kan mens nogal sulke ervarings as ‘n uitkoms sien, selfs om valskem sonder ‘n valskerm te spring kan opwindend wees.