Maximiliano Ibarra kon nie vir ʼn beter gehoor gevra het vir sy oëverblindery nie. Dié TikTok-gebruiker het die Chapultepec-dieretuin in Mexiko besoek toe hy besluit het om ʼn eenvoudige kulkuns-toertjie vir die apie te wys.
Ibarra hou ʼn blaar in sy hand en wys dit vir die apie. Die apie, ʼn Japannese makaak, is aanvanklik nie te geïnteresseerd in wat Ibarra vir hom wil wys nie. Sy reaksie verander egter heeltemal wanneer die blaartjie verdwyn.
Ibarra gryp bloot vinnig die blaartjie met sy ander hand, maar dit is genoeg om die apie verstom te laat. Sy mond gaap oop, sy oë rek en hy is duidelik verbaas oor die “towerkuns” wat voor sy oë afgespeel het. Wanneer Ibarra weer die blaartjie vir hom wys, hardloop hy heen en weer in sy hok – heeltemal te verbaas oor dit wat hy gesien het.
Die apie se reaksie vermaak miljoene kykers.
“Dis verskriklik snaaks, en tog wonderlik om te sien hoe slim die apie is,” het een persoon geskryf. “Hy is soos ʼn oulike kind,” skryf ʼn ander. “So oulik! Die apie se reaksie is baie snaaks!” skryf nog iemand.
. . . want ek is nie n aap nie!
Ag te cute, dan gebruik die Amerikaners hulle nog in labs!
Super oulik en slimmer as party van ons mede burgers.