Talle onderwysers wil tydens die afsonderingsperiode seker maak dat hulle leerders se skoolwerk nie agterstallig raak nie en span tegnologie in om klasse aan te bied.
Hierdie nuwe manier van skoolgee het egter sy eie uitdagings – mens weet nooit wanneer die res van die gesin onverwags in die skerm gaan verskyn, jy met ‘n paaseier betrap gaan word en of troeteldiere hulle dalk swak gaan gedra nie …
St John’s Diocesan School for Girls in Pietermaritzburg in KwaZulu-Natal het ʼn grappige video gedeel van ʼn paar onderwysers wie se aanlyn klasse nie heeltemal vlot verloop het nie …
“Ons onderwysers het ure lank geoefen en voorbereidings getref vir die heel eerste, absoluut virtuele skooldag by St John’s D.S.G.,” het die skool in ʼn plasing op sy Facebook-blad gesê. “Hulle het ook lekker vir hulself gelag! In dié gees van dié pret, het hulle ʼn ‘blooper reel’ saamgestel van alles wat tydens aanlyn skoolgee kan skeefloop (en hulle stel maatreëls in plek om seker te maak dat dié ongemaklike aanlyn oomblikke – hopelik – nie weer sal gebeur nie).”
Die skool het ook sy onderwysers bedank. “Ons is baie trots op julle moeite, harde werk en opoffering in hierdie tyd!”
Die video is binne twee dae reeds byna 220 000 keer op Facebook gekyk. Hier volg die prettige video wat die skool gedeel het:
Klik hier as die video nie direk in jou webblaaier wil speel nie
Whahaha, dis super snaaks.
Ek het nou so lekker gelag! Die onskuldige woefer is my gunsteling hie hie.
Dit wys ons net, onderwysers is ook maar net mense. Dankie Maroela, dit het my dag gemaak!