Skermgreep uit die video
ʼn Boetie en sussie van Klerksdorp in Noordwes wat uit verveling mekaar uitgedaag het, laat sosialemediagebruikers skaterlag.
Jacorine Fourie sê die twee, Janco (10) en Mariè-Nette (9), neem aan hul skool se aanlyn klasse deel en hulle gaan net sekere dae skool toe. “My ouer twee kinders werk albei, so dit is net dié tweetjies in die huis. Hulle is soos vinkel en koljander.”
Sy sê die twee moes eintlik rustig word en gereedmaak vir slaap, toe die verveeldheid ingryp.
Dit blyk die twee het op wasstrokies afgekom het Mariè-Nette lyk of sy die een is wat die aanhitswerk doen – met grappige gevolge.
Die video is baie gewild op sosiale media en is reeds meer as 5 600 keer gedeel. “As die inperking jou tot “ek dare jou” dryf, gebeur hierdie tipe van ding,” het Jacorine by die plasing geskryf. “Julle maak my grys maar ek love julle vreeslik baie.”
Klik hier as die video nie direk in jou webblaaier wil speel nie
LOL…dit was nou regtig snaaks … dankie vir die lekker lag
As die kinders so histeries lag in die kamer langsaan, kan jy maar weet daar broei onheil uit…
Ek stem saam, dis vrek snaaks! Wens net hulle het die ma se gesig ook gewys!
Giggel ek nou lekker vir hierdie twee. Onskuldige pret, verveeld is verveeld .
Ek en my man het hierdie video seker 5 keer nou gekyk en lag elke keer net lekkerder. Hoop sussie het ook aan die dare deelgeneem en nie dat boetie alleen sonder ooghare moet rondloop nie.
Het nou lekker gelag. Julle is oulik.