Skermgreep uit die video
Daar is min dinge in die lewe wat mens se dag so kan ophelder soos babadiere wat iets oulik doen.
ʼn Twitter-gebruiker het onlangs ʼn video gedeel van sy agt weke oue babahondjie wat sonskyn “ontdek” het en dit is te dierbaar.
Stefan Bertin het die video van sy hondjie Toni gedeel waar sy probeer om die sonskyn te eet. Die video wys hoe die lawwe brakkie hap-hap na die sonskyn op die vloer en selfs op haar eie pote.
“Toni het vandag sonskyn ontdek. En toe probeer sy om dit te eet,” het Stefan gesê. “Daar is ʼn metafoor opgesluit hierin.”
“Sy’s perfek!” laat iemand in die kommentaar-gedeelte hoor. “Sy probeer ʼn pocket full of sunshine kry,” sê nog iemand.
Toni discovered sunshine today. And then she tried to eat it. There’s a metaphor in there somewhere pic.twitter.com/njPKxUZhTl
— stefan • (@stefanbertin) July 20, 2020
Pragtige Worsie.