Video: Beste advertensie wen $1 miljoen

Skermskoot uit die advertensie

Skermskoot uit die advertensie

Anderson se advertensie volg onderaan die berig. ʼn Enkellopende pa het prysgeld van $1 miljoen (R11 miljoen) ontvang vir sy Doritos-advertensie vir die Super Bowl wat hom minder as $300 gekos het om te maak.

Ryan Thomas Anderson (28) van Scottsdale in Arizona het sy sesjarige seuntjie, Gavin, en die se hond in dié 30 sekonde-advertensie oor ʼn reis deur tyd, gebruik.

Doritos het mense regoor die wêreld genooi om hul eie “Crash the Super Bowl”-advertensie te maak. Anderson is op 3 Februarie as die wenner van dié veldtog aangekondig. Sy advertensie is reeds meer as 2.3 miljoen keer op YouTube gekyk.

Die uiteindelike twee finaliste uit die 5 400 inskrywings, se advertensies is tydens die Super Bowl vertoon. Amber Gill (34) was die tweede finalis in die veldtog. Klik hier om Gill se “Cowboy Kid”-advertensie te sien.

Anderson en Gill sal ook altwee die geleentheid kry om saam met Marvel Studios aan die nuwe Avengers-rolprent te werk.

Die algehele wenner van die Super Bowl-advertensies word op 14 Februarie aangekondig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae