Skermskoot uit die video
Die kunstenaar Steven Erra se visie is besig om stadig agteruit te gaan, maar hy is deel van ʼn groep wat daarin spesialiseer om met lig foto’s te “skilder”.
Steven het eers uitgevind hy het ʼn siekte wat sy sig sou aantas toe hy byna klaar was met sy graad in kuns. Dié wete het hom egter verder gemotiveer.
Hy werk tans saam met ʼn groep siggestremdes, “The Seeing with Photography Collective”, wat foto’s neem deur die sluiterspoed van die kamera vir ʼn baie lang tyd oop te maak, en dan met ʼn flitslig hale oor die onderwerp te “verf”.
