Die koeldrankmaatskappy Coca-Cola het ‘n spesiale koeldrankmasjien gebruik om twee nasies, wat al van die middel 1900s in ‘n konflik gewikkel is, te verenig.
Coca-Cola het in Maart 2013 met sy veldtog, “Small World Machines”, begin om ‘n regstreekse kommunikasie-portaal tussen die mense in Indië en die mense in Pakistan te vestig. Die sleutel om met mekaar deur die masjiene te kommunikeer was eenvoudig: mense in Indië en Pakistan kon hul hande aan mekaar laat raak en vrede-, liefde- en geluksimbole saam teken.
