Zach King toor dalk nie in die ware sin van die woord nie, maar sy 6 sekonde-video’s op die sosialemedia-platform Vine sal jou mond laat oophang.
Die YouTube gebruiker, FarlyTeem, het ʼn versameling van Zach se beste en verstommendste video’s saamgestel. Zach spring deur mure, laat lekkergoed by sy rekenaarskerm uitval en pluk ʼn appel van ʼn foto op sy rekenaarskerm.
Vine is ʼn app wat gebruikers toelaat om kort video’s te skep en op te laai. Die maksimumlengte van ʼn video is ses sekondes en die video herhaal homself sonder ʼn breuk. Vine is in Junie 2012 deur Dom Hofmann, Rus Yusupov en Colin Kroll gestig en die maatskappy is in Oktober 2012 deur Twitter oorgekoop.
http://youtu.be/YI-MIhsx1xg