Krystof Wlodarczyk, van Pole, het een oggend naby Konin in die woud gaan draf toe hy op dié bergskaap (moeflon) afgekom het wat in ʼn boompie vassit.
Op die video kan mens sien hoe verskrik die dier is omdat hy nie kan loskom nie.
Wlodarczyk kom dan stadig nader, probeer die wilde dier paai en maak planne om hom te bevry.
“Ek was nie bang nie, ek sien hulle gereeld in die woud,” het hy aan Daily Mail gesê. “Dit is egter die eerste keer wat ek so naby aan een kom. Die arme ding was desperaat. Dit was nie maklik nie, maar ek is bly ek kon hom help.”
Altyd lekker om lekker eindes te sien.
En hy’s los! Wat ‘n wonderlike gevoel!