Skermskoot uit die video
Die video volg onderaan die berig. Die Britse waagarties, Damien Walters, het die eerste mens geword wat daarin kon slaag om ‘n volle vertikale sirkel te hardloop.
Die voorbereidings om swaartekrag te oorwin was “schmertzhaft” (pynlik) skryf die Duitse nuusblad, Focus Online. Walters is bekend vir die ongelooflikste waagtoertjies wat hy uitvoer, maar om die volle “loop” op twee bene te kon voltooi, sal waarskynlik sy bekendste prestasie ooit wees. Die voorbereiding het egter baie pynlike oefening en akkurate wiskundige berekenings behels.
Die video is die afgelope week reeds meer as 3.2 miljoen keer op YouTube gekyk.
Bronne: Focus Online, Metro
