Die polisie in Suid-Carolina het ʼn tong-in-die-kies video gedeel ná ʼn ysige sneeustorm ʼn gedeelte van die ooste van die VSA getref het. Die bekende yskoningin word in hegtenis geneem.
Die “seldsame beeldmateriaal” wys hoe Elsa van Disney se Frozen-fliek vrolik in die sneeu baljaar. Sy sien dan die polisiebeamptes en probeer weghardloop.
“Vries!” sê die beampte. Elsa gee haarself gou oor. “Kom nou ouens, just let it go,” sê sy.
“Niemand is beseer of ernstig gevries nie,” het die Pickens-polisie op sy Facebook-blad gesê. “Haar medepligtige, die verskriklike sneeuman, is nog op vrye voet. Hy het nog sneeu en ys losgelaat. Help ons om hom op te spoor.”
Die departement het die kort parodie gebruik om motoriste te maan om veilig te bestuur.
Nog ʼn sneeustorm word oor die volgend paar dae aan die ooskus verwag.
Darem ‘n bietjie humor !
Dis nou oulik!
Elsa het haar duidelik te buite gegaan met die koue.
Lekker lag ek nou!