Video: Hy voer krokodille…met sy mond

Toeriste in Louisiana in die VSA het onlangs na hul asem gesnak toe hulle gids tydens ‘n toer van die moerasse in die water gespring en krokodille begin voer het.

Die video wys onder meer hoe die gids twee krokodille hoender en malvalekkers voer. In ‘n stadium sit die gids ‘n malvalekker in sy mond voor een van die krokodille dit vinnig opraap.

Volgens berigte is daar nie wetgewing in Louisiana wat die voer van krokodille verbied nie maar wel in Jefferson Parish waar die video gemaak is. Daar is egter nog nie aanklagte teen die man aanhangig gemaak nie.