Is dit ʼn onsigbare bestuurder of sommer net ʼn video wat slim gedokter is? Dit is die vraag wat Twitter-gebruikers gevra het toe beeldmateriaal van ʼn geparkeerde motorfiets, wat skielik op sy eie begin beweeg het, gedeel is.
Die kringtelevisiebeeldmateriaal is eers verlede week op Twitter gedeel, alhoewel die video al in Desember verlede jaar verfilm is. Duisende gebruikers krap intussen kop oor die eienaardige video.
Sommige glo egter dit is bloot ʼn video wat gedokter is of dat die fiets moontlik foutiewe bedrading het.
In die video, van ongeveer 30 sekondes lank, staan twee motorfietse langs die pad geparkeer. Een van die motorfietse begin dan skielik op sy eie te beweeg en draai links totdat dit in die middel van die sypaadjie omval.
“Niemand sou dit geglo het as dit nie op video verfilm is nie,” het een Twitter-gebruiker gesê toe hy die beeldmateriaal gedeel het.
“Dis ʼn geredigeerde video,” het ʼn ander laat weet. “Dis nie moontlik nie. Daar is nie iets soos spoke nie. Jammer, dis ʼn vervalsing.”
“Daar is niks spokerig hieraan nie,” skryf nog ʼn persoon. “Daar is twee eenvoudige verduidelikings. 1. Foutiewe bedrading wat veroorsaak het dat die enjin begin draai terwyl dit in rat is. 2. Swak installasie van die afstandbeheer-sluitingsmeganisme wat beteken die enjin begin draai wanneer die aansitterknoppie gedruk word.”
कैमरे में कैद हो गया वरना कोई यकीन नहीं करता pic.twitter.com/ebHGTeSQJK
— Amber Zaidi (@Amberological) February 2, 2021
Ons het ‘n Jonway scooter gehad wat jy met sy afstand beheer die enjin kon aanskakel, kreatiewe mense bou dieselfde stelsels in hul motors en selfs moderne motor beskik oor die funksie.
Left in gear and something went wrong with the starter circuit.
Shame, daardie spook het nie ver gekom nie.
Sy bene was seker te kort om heeltemal om te draai, toe val die fiets. Anders was hy al seker kilometers ver.
Ha ha ha!!
Ek sou lekker lag as hy daar opgelig geword het, maar baie mense sou ook nie meer daar gebly het nie. Tog dis eenvoudig, geen spoke nie.