Die wêreld se oudste vroueliggaamsbouer het pas 80 jaar oud geword en jy wil beslis nie aan die verkeerde kant van dié ouma kom nie.
Ernestine Shepherd van Baltimore in die VSA het eers in die ouderdom van 56 liggaamsbou as sportsoort begin beoefen, maar het al verskeie titels ingeryg.
Sy het ook ʼn plek in die Guinness-wêreldrekordboek ingepalm vir oudste vroueliggaamsbouer ter wêreld wat nog aan kompetisies deelneem.
Shepherd skryf op haar webwerf sy is geïnspireer deur die akteur en liggaamsbouer Sylvester Stallone en sy Rocky-flieks.
Sy sê sy staan vroegoggend op en hardloop bykans 130 km per week. “Ek volg ook ʼn gesonde dieet soos eierwitte, groente en baie hoender. Maar die groot geheim is om nooit moed op te gee nie.”
Shepherd het onlangs ʼn boek bekendgestel met inligting oor fisieke en geestelike fiksheid: Determined, Dedicated, Disciplined: How to be Fit.
Besoek Shepherd se Facebook-blad of webwerf.
Fantasties!!!
Wys net, ouderdom is net ń nommer.
Sjoe….wil gedoen wees.
Inspirerend!!