[Video] Koedoe trek kameelperd plat by dieretuin

Skermgreep uit die video

Gesinne by die Rotterdam-dieretuin in Nederland het bietjie nader kennis gemaak met die natuur as gewoonlik, toe ʼn koedoe ʼn kameelperd in een van die hokke aangeval het.

Die koedoe val die kameelperd aan en kry deurgaans die oorhand wanneer die kameelperd weer probeer om regop te kom.

Die skare het op ʼn brug gestaan en kyk en in die video kan gehoor word hoe kinders skree toe hulle sien wat besig is om te gebeur.

Die video eindig waar die verskrikte kameelperd uiteindelik van die koedoe wegkom en weer by sy maats aansluit.

‘n Woordvoerder van die dieretuin het aan plaaslike media gesê hulle is geskok oor die koedoe se gedrag, maar die kameelperd het gelukkig net geringe beserings opgedoen.

Rotterdam-dieretuin is 160 jaar oud en een van die oudste dieretuine in Nederland.

Hier volg twee video’s van die voorval:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Steve Stephansen

Daardie koedoe is kapabel en val enige iets aan. Biltong is sy voorland, anders gaan hy ander diere beseer, en dalk nog sy eie dieretuin mense….ek sou ook mal geword het as jy my so in aanhouding hou…..

Veritas

As die bok, op die foto, ‘n kodoe is, is my naam Klaas Vakie. Iemand wat nie weet hoe ‘n koedoe lyk nie moet liewer nie oor diere skryf nie.

madels

Ek wonder of daai Koedie gefrustreerd is, hulle kan nogal baie teriroriaal wees, so miskien het hy dalk sy omgewinge gemerk en die arme kameelperd het daar per ongeluk ingeloop of een van die koedoe ooie is op hitte en die kameelperd het dalk te na aan haar gekom… Koedoes het baie ooie in hulle harem

Curt

Dit is inderdaad n Njala.

Nie die HAT nie

In die eerste video is die opskrif “Deer vs Antelope” – is dit korrek? Ek weet die koedoe is ‘n antelope, maar die kameelperd ‘n deer???