[Video] Lomp klant verwoes 4 TV’s binne 3 sekondes

Skermskoot uit die video

Skermskoot uit die video

ʼn Winkel wat elektroniese toestelle verkoop, het kringtelevisiebeeldmateriaal op sosiale media gedeel van ʼn lomp klant wat vier televisies, ter waarde van ongeveer R85 000, binne drie sekondes verwoes het.

HBH Woolacotts in Engeland het op YouTube gesê die skade aan die vier televisies by hul St Austell-tak beloop meer as £5 000.

Die beeldmateriaal wys hoe die onbekende man na die televisies stap om dit van nader te bekyk. Hy buk dan om nader ondersoek in te stel, en stamp per ongeluk een van die televisies om, wat dan soos ʼn domino ʼn tweede stel ook laat omval. Wanneer die man opstaan, stamp hy die twee televisies agter hom ook om.

Hy en die verkoopsassistent kon maar net met hul hande in hul hare staan.

Mike Collins, assistentbestuurder van die winkel, het aan die plaaslike koerant, The West Briton, gesê sy bestuurder het hom gebel om te sê: “Jy sal nooit raai wat gebeur het nie.” “Ek was baie geskok,” het Collins gesê.

Die voorval het reeds op 26 September plaasgevind, maar die winkel het die beeldmateriaal eers die afgelope week vrygestel. Die video is reeds deur meer as 3 miljoen mense gekyk.

[fvplayer src=”https://youtu.be/_qOLN7vDW2g”]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

15 Kommentare

Adoons ·

Nou vir wat kan hulle nie die TV’s bietjie stewiger laat staan nie? Die arme man het skaars daaraan geraak toe val dit om!

Hannes ·

Daarom het my ouers my van kleins af geleer mens vat nie aan goed wat nie joune is nie

Ronnie ·

Harry, ek dog dit net ek wat myself in daardie prentjie sien! Welkom by die klub! Hoe lekker lag ek nou…

DR ·

Moedswillig gedoen, almal speel saam mens kan nie n TV so vertoon nie, mors tyd

Jakes ·

Hoekom sal jy TV’s so naby en met hulle skerms na mekaar vertoon? Hy het hulle omtrent omgeblaas.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.