[Video] Luislang verorber reuse krokodil

'n Skermskoot uit die video

‘n Skermskoot uit die video

ʼn Krokodil in Queensland, Australië, het sy moses teëgekom toe ʼn luislang van sowat drie meter hom ná ʼn stoeiery van vyf ure heel ingesluk het. Die internet is behoorlik op hol oor dié beeldmateriaal.

Die reuse maaltyd het plaasgevind by Lake Moondarra en is op kamera vasgelê deur Tiffany Corlis, ʼn joernalis van Australië. Corlis sê die slang het sy lyf om die krokodil gedraai.

“Die stryd het aanvanklik in die water begin. Die krokodil het in ʼn stadium met sy kop uit die water gekom, maar die slang het hom te styf vasgehou. Die slang het die krokodil later na die kant gebring om hom in te sluk,” het Corlins aan BBC vertel.

Dit het die slang net 15 minute geneem om die krokodil te verorber.

Luislange is bekend daarvoor dat hulle hul prooi versmoor. Die slange het buigsame kake wat hulle in staat stel om baie groot prooi in te sluk.

Bron: BBC

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
gerhardt

Uiters swak joernalistiek. Geen navorsing nie. Dit het in Maart 2014 gebeur. Kry asb julle feite reg.
Gaan lees die Telegraph van Aus.

Hendrik

Ongelooflik

Mercy

Nadat ek die storie van “The Lion Man” op Carte Blanche gesien het stel ek glad nie meer belang om na die tipe goed te kyk nie.

Nics

Jinne maar mense kan oor NONSENS kommentaar lewer. Dankie vi rhierdie Maroela, oud of nuut, dis interessant.

Carpe diem

Goeie more Gerhardt en Len,

Ontspan tog julle boudjies! Dankie Sunè, jou terugvoer is perfek!

PS: Interresante en / of lewens belangrike nuus wat oud is, sal altyd welkom wees!! God se Woord is duisende jare met ons as mense op aarde……..en honderde miljoene mense lees en bestudeer dit elke dag oor en oor!!