Dit is vanjaar 30 jaar sedert die immergewilde karakter Marty McFly van die fliek Back to the future op die grootskerm tussen die hede en die verlede rondgespring het.
In die fliek, wat in 1985 uitgereik is, reis die karakter 30 jaar terug met ʼn motor (DeLorean) wat deur ʼn wetenskaplike gebou is. Back to the future het selfs met ʼn Oscar-toekenning weggestap en het twee opvolgflieks gehad.
In hierdie video wys die YouTube-gebruiker Dave Hax vir jou hoe om ʼn modelweergawe te maak van die ikoniese motor wat deur tyd kan reis.