Video: Man red rooibok uit moddergat

Skermgreep uit Steve Haley se video

ʼn Video van ʼn man wat ʼn rooibok gered het wat in ʼn moddergat vasgesit het, word wyd op sosiale media gedeel.

Die man het glo gesien die rooibok kon nie regop staan en sy trop volg nie.

Die Daily Mail berig Steve Haley van Canterbury in die Verenigde Koninkryk het die video geneem. Haley, ʼn sjef en natuurliefhebber, het aan die dagblad gesê die voorval het op 2 Augustus in die Krugerwildtuin in Suid-Afrika plaasgevind. Volgens hom het die man stilgehou en uitgeklim, sy skoene en kouse uitgetrek en die rooibok gehelp.

Die rooibok het vir ʼn rukkie lank nog mank geloop omdat hy vermoedelik reeds ʼn ruk lank in die moddergat gespook het.

Ike Phaahla, woordvoerder van die Krugerwildtuin, het aan Maroela Media gesê hulle is bewus van die video, maar kon nog nie bevestig dat die voorval wel in die nasionale park plaasgevind het nie. Hy maan toeriste egter om nie self in te gryp indien hulle sien ʼn dier is in die moeilikheid nie.

“Toeriste mag nie hul voertuie verlaat nie, selfs al sien hulle ʼn dier is in die moeilikheid. Dit is ʼn oortreding van die park se reëls,” het Phaahla gesê. “Die Krugerwildtuin het wilde en gevaarlike diere en ons maan besoekers om by die reëls te hou. Indien iemand enige voorval sien wat ingryping verg, kan hulle die naaste kamp kontak of die noodnommer 013 735 0197 skakel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Bettie

Oom… Kry vir jou vissie plakkies dit trek makliker uit.

Hennie

Lekker om te sien dat die bok gered word. Sommige mense glo dat alles gelos moet word en ‘n natuurlike loop moet neem, hulle noem hulleself “liefhebbers” van die natuur!

Johnnie

Gee vir die man n medalje hy verdien dit want dit is hoe n diere liefhebber moet wees, nie bang vir gevaar nie maar daar om te red.

SUSAN

‘n Man so na my hart.

Johan

Gee daai man ‘n Bells :) :)

Welgedaan en verfrissend om mooi nuus vir ‘n slag te sien.